Uzbekinfo.org

Уклар куршовидан

Давронбек — Wed, 19 Dec 2007 17:19:15 GMT

Юсуф Жумаев.

Йил декабрь куни соат ларга якин Халкаро йул буйлаб пикет бошладик. Дастлаб Олот Коракул Жондор туманларида килиб 23 декабргасча республика буйлаб давом этдиришни 23 декабрда Тошкентга етиб боришни режалаштирдик. Плакатларда диктатор Ислом Каримов истеъфоси сураб ёзилган ёзувлар бор эди.

Бош бекатларда ахоли гавжум жойларда 2-3 дакика тухтаб пикет утказишни бошладик. Бу 6 декабрдан бошлаб утказаётган давомли пикетларимизнинг давоми эди. Одамлар камрок йигналган жойлардаги пикетларимизга индашмади. Коракул туман шох бекатига келиб плакатни кутардим. Угилларимга 20 О 7747 давлат ракамли нексиа Киличов Гайрат (ИИБ рахбарларидан) машинасида келган МХХ ходимлари ташланишди. Мен МХХчилардан угилларимни ажратиб олишга уриндим. Машинада углим Машрабни гаровга чикариш учун ажратилган пулнинг бир кисми бор эди. Плакат билан пулни хам олишди. Жунаб кетишди, биз кул телефонларимиз билан барини суратга олиб турдик. Яширилиб куйилган иккинчи плакатни олиб йул буйлаб юра бошладик. Одам билан гавжум Коракул туман Химия таъминоти идораси олдида тухтадик. Бизга бесанок формасиз кишилар ташланди. Кул телефонларимизни тотиб олишди.

Углим Бобур Сизлар кимсизлар карокчилар? Биз конуний харакат килаяпмиз, Бу куча юришини утказишимиз учун Коракул туман Прокуратураси ва Коракул туман хокимиятига ариза берганмиз. Аризани йукотга булсаларинг Прокурор овозини ёздириб олганмиз деб рулга утирди. Жондор туманига караб кочиб колдик. Бу манзарани МХХчилар видеога олишди. Каримов номард булмаса видео тасвирни дунёга ошкор килсин. Шармандаси чикади. Менинг угилларим калтакланди, пулларимиз таланди. Бизни талашди, Жондор туманига утишга йул куйишмади. Кувлашди. Биз Коракул шахрига кайтдик. Пана йуллар билан уйимизга кетдик. Соат 1 30 ларда уйда эдик Зуравонлик хакида БиБиСидан маълумот сурашди.

Кеч соат 6 00 ларда Бобур, Бобур кочинглар деган овоз келди. Мен китоб укиётган эдим. Деразадан карадим овоз эгалари куринмасди. Эшикдан чикдим Бесанок машиналардан тушаётган бесанок одамларни курдим. Бутун бошли армияни куриб дахшатга тушган Хирс кишлок ахли Бобур коч, Бобур кочинглар деб хайкирарди. Уклар отила бошланди. Турт томони уклар ёмгири босиб кетди. Молхономизда моллар утлаётган далада уклар отиларди. Юпун оёк яланг кочдим. Иккинчи уйимиздан туккиз яшарлик углим Жавхар ва юпун рафикам кочиб чикди. Учаламиз темир сестирна оркасига беркиндик. Куролланган кимсаларнинг бир кисми уклар отиб мен ижод билан шугулланадиган хонага киришди.

Кани терговчи деди кимдир, икки углим иккинчи уйимизда куршовда колиб кетишди. Уклар бетиним отиларди, итлар, моллар, гоз, урдак, товуклар овози чинкириги эшитиларди.

Террор бошликларидан бири булса керак Мана хамма дафтарлари гу ерда экан китоблар шу ерда экан, узи хам бир тушакка уралиб ётгандир тушакларга ук узинг, шкавлар ортига ук узинг Юртбошимизга кутарган бошини элак килинг! Деди. Уй ичида бетухтов уклар отилди. Ташкаридан чор тарафдан уклар отиларди. Тамом булдик деб шивирлади хотиним. Бизку майли бу норасидалар хам томом булдилар.

Углим Жавхар оёгимни хашаклар орасига сурар, куриниб турибди. Хозир ук тегади деб шивирлади.
Уклар барча хоналарнинг ичида бетухтов отиларди. Чор томонда хам бетухтов отиларди. Кулфларни ук отиб очардилар. Автоматлардан, писталетлардан, милтиклардан отиларди.

Онасини фалон килайнинг турт томони дарахт экан арик экан уйда булмаса шулардан бирининг остида булади-да.

Хар бир дарахт, хар бир арик, хар бир камиш остига отинглар. Буйрук берди кимдир.
Шунда хам бетухтов отилаётган уклар янада купрок отила бошлади.
Сиз билан менку майли, эсиз болаларим деди рафикам. Умримиз битди деб уйладик. Ногохон ток учди. Ток нега учди деб ташкарига чикди мен утирадиган ган хонадаги террорчилар.
Биз узимизни МХХга малайлик киладиган кушнимиз аригига урдик. Эмаклаб оёк яланг коча бошладик.

Уклар отиларди. Тепамизда тепамизда учарди, ё олрокка, ё оркга тушарди уклар. Худо бизни асраб колди. Бирок икки углимиз ичкарида колиб кетди. Сал юриб, хотиним ёмон булиб колди. Болаларимни ташлаб кетмайман, кайтиб бораман, Шунча укдан омон колмайдилар, бундан улганим яхши деди хотиним.

Вахима килма уларни худо асрайди, ана курасан бизни узи куллайди, дедим.
Невараларимизни , келинларимиз Биз Юсуф Жумаевнинг кушнисимиз. Бизни отманглар деб куткариб олиб кочиб кетганларини, Кизим хам Амаки биз кушнисимиз бизни отманглар , улар уйда йук, хаммаси Тошкентга кетишган, уйларни хонавайрон килманглар илтимос деб жаврарди.

Кетинг, уйингизда утиринг ук текса биздан курманг, деб дук уришарди.
Кейин билсам тепасидан уклар учган уч неварам гапира олмайдиган булиб колган. Угилларим Бобур ва Кодирий бу укдан дадам онам, ва жавхар омон колмаган булса керак, биз душман кулига тушганимиздан улганимиз яхши деб уклар ёмгири остидан кочишган. Минг шукрким, улар хам омон колганлар.

Уклар эса бетухтов отиларди. Биз кочиб кетгач хам уч кун вакти вакти билан уклар отилган. Хар бир ук хисобли булган, отилса нега отилджи деб бехисоб хужжатлар сураладиган Узбекистонда, уклар бир хафтадан буён бизнинг тепамизда отилмокда. Коракулнинг арикларида, захкашларда, тукайзорларда кариндошларимиз уйларида , хуллас биз яширинишимиз мумкин булган барча жойларда уклар отилмокда. Телевизорларда бизга карши курсатувлар бухтонлар ёлгонлар таркатилмокда.

Катта мукофотлар ваъда килиб кидирув эълон килинмокда. Хар 20 минутда Бухоро ва барча туманларининг телевединияларида кидирув эълон килинмокда.

Хатто кариндошлармизни хам Сизга катта мукофот керак эмасми, топиб беринглар деб калтаклашмокда.
Санксиясиз кулфларни уклар билан очиб бостириб бормокдалар.

Бори будимизни талаб кетилган. Террорчи гадой Ислом Каримов хатто туккиз яшар углимнинг товукларининг тухумларини сотиб йигнаган 65 минг сум пулини хам ялонгоч кочган углимнинг шимининг чунтагидан олдирган.

Курбонлар бор, пулимга олган мол мулкимни уз машинасида МХХ идорасига элтиб бермагани учун, Юсуф Жумаевнинг бир пиёзига хам кул текизмайман дегани учун Мамат исмли йигит уриб улдирилган. Гани, Байрам, Анвар каби бесанок йигитлар бешавкат калтакланган.

Коракулда икки мингдан ортик ИИБ ва МХХ нинг махсус булинмалари ташланган. Хар бир кишлокда энг камида икитадан постлар ташкил килинган. Бутун вилоят армия кисмлари билан уралган уклар отилмокда. Бе тухтов уклар бир оилага—бир аёл, икки норасида бола хамда Бобур ва менга—оёк яланг юпун жонларга карши ташланган бу кора кучлар кулидан отилмокда. Уклар ёмгири остида кочиб юрибмиз.

16 декабр 2007 йил.

ЮСУФ ЖУМАЕВНИНГ ОЧИҚ ХАТИ

Давронбек — Sat, 15 Dec 2007 19:40:25 GMT

АКШ Президенти Жаноб Жорж Бушга
Европа мамлакатлари рахбарларига
Барча мамлакатларнинг Узбекистондаги элчиларига

Очик хат.

Мен оилам билан 18 йилдан буён Диктатор Каримовга карши шеърларим ва барча конуний йуллар билан очикдан очик курашиб келмокдаман. У барчанинг овозини учирди. Аммо бизнинг оиланинг овози йигирма етти миллионлик халкнинг орзу армони булиб янграмокда. Каримов бу овозни учириш учун бир оилага карши бутун бир куролланган армия ташлаган. Оиламиз билан кириб ташлашга буюрган. Каримов халкнинг овози билан эмас уклар овози билан президентликни саклаб колмокчи. Оиламиздан олти кишига 159 ва турли моддалар билан жиноий ишлар очтирган. Бир углим Машраб эса камокда майиб мажрух килиб ташланган. Бизни Каримов терроридан куткаришинггизни илтимос киламан.

Хурмат билан Юсуф Жумаев, шоир.

Бутун Бухорога куролланган армия, МХХ ва СНБ ходимлари ташланган. Юсуф Жумаевни оиласи билан топиб отиб ташланглар деб Каримов буюрган. Бизнинг кариндошларимиз уйи курилмокда, тинтув килинмокда. Юсуф Жумаевнинг угли Машрабни озод килиш учун гаровга туплаган ун уч миллион беш юз минг сум пул толон тарож килинган. Унинг уйида ИИБ ва МХХ ходимлари жойлашиб олиб Юсуф Жумаев жамлаган озик овкатларни еб базму жамшид килмокдалар.

Ук отилганда Машрабнинг икки угли Жайхун ва Сайхунлар гапира олмайдиган булиб колган. Уйларнинг ичида ук отилган. Кулфлар ук отиб очилган. Машраб майиб мажрух килинган. Машраб пичоклади дейилаётган йигит куричакдан операция булган экан, пичокдан эмас. Юсуфнинг машинасини ИИБ идорасига олиб бор деб талаб килинган кушни кишлок Богкандалик шофёр бош тортгани учун кийнаб улдирилган. Хирс халки ва Юсуф Жумаевнинг барча кариндошлари кийнок билан тергов килинмокда.

Биринчи келганларида икки мингдан ортик куролланган кишилар кеклиб уйларни ураб олиб ук ёгдирилшган. Ариклар ва дарахтлар остига ук отилган. Камиш кимирласа хам ук отганлар. Коракулга Бухоро ва Тошкентдан СНБ ва ИИБ ходимлари чакирилган. Ариклар ва захкашларга куролланган армия ташланган. Барча дафтарлари, компютер ва дисклари, хужжатлари, праспортлари олиб кетилган. Уйида ярокли хеч нарса колмаган.

Украинада “Эрк” партияси бўлими тузилди

Давронбек — Wed, 05 Dec 2007 21:13:27 GMT

4 декабр куни Украинанинг Виниция шаҳрида бўлиб ўтган йиғилишда “Эрк” демократик партиясини Украина бўлимига асос солинди. Йиғилишда қатнашган ўзбекистонлик мухолифат фаоллари Бахтиёр Ҳасанни партиянинг янги бўлимига котиб этиб сайладилар.

Шунингдек йиғилишда партиянинг амалга ошириши зарур бўлган ишлари, қилинажак тадбирлар белгилаб олинди.

Дастлаб Бахтиёр Ҳасан “Эрк” партиясини Украина бўлимини ташкил этиш зарурати ҳақида гапирди. Унинг фикрича Ўзбекистонда бўлажак президентлик сайлови мамлакат бош қомуси конститутцияни қўпол равишда бузиш билан амалга оширилмоқда. Ислом Каримов гарчанд ваколати тугаган бўлсада ҳамон ўз мансабида қолиш учун турли жиноий йўллар изламоқда. Бундай вазиятда хорижда , жумладан Украинада яшаётган Ўзбекистонликлар диктатурага қарши қандай аниқ йўллар билан кураш олиб бориш кераклигини ўйлаб кўришлари керак.

Йиғилишда уч киши ”Эрк” партиясига аъзо қилиб олинди. Улардан бири Лолахон Ботирова Ўзбекистонда аёллар ҳуқуқлари қўпол равишда бузилаётганига эътибор қаратди. Унинг айтишича ҳақ -ҳуқуқлари бузилган ўзбек аёли бугун ҳимояга муҳтож бўлиб қолмоқда. Аёлларни ҳуқуқларини тиклаш, уларни чэт мамлакатлардаги оғир турмушларини ўрганиш, ёрдам бериш жуда муҳимдир.

Йиғилишда сўзга чиққан “Бирлик” партиясининг Украина бўлими раҳбари Улуғбек Зайнобиддинов барча мухолифатдаги партиялар, сиёсий кучлар ва ҳаракатларни ўзаро бирдамликда диктатурага қарши курашга чақирди.

“ Мен “Эрк” партиясини сиёсий куч деб биламан.Каримов тузумига қарши курашувчи куч… Шунинг учун Украинада “Эрк” партияси бўлимини ташкил этилиши тарафдориман. Каримовни авторитар тузумини тугатилишига бирдамликдаги кураш жуда муҳим”, деди Улуғбек Зайнобиддинов.

“Бирлик” партияси аъзоси Жамшид Боқиев ҳам бу фикрларни қўллаб қувватлашини билдирди. у мухолифатдаги барча ҳаракатлар: “Эрк”, “Бирлик”, “Бирдамлик”, “Озод деҳқонлар” каби ташкилотларни мамлакатимизда демократия қарор топиши йўлида ўзаро якдилликда кураш олиб бориши муҳимлигига эътибор қаратди.

Украинада ”Эрк” демократик партияси бўлимининг ташкил этилиши партия фаолиятига қизиқиш билдираётган ёшлар кўпайиб бораётганини кўрсатди.

Ёшлар Каримов режимига қарши бирлашмоқда.

Каримов режимига қарши узлуксиз норозилик акцияси иштирокчиларининг Мурожаати

Давронбек — Mon, 03 Dec 2007 23:17:42 GMT

Уч ҳафтадирки Стокгольмда “Ўзбекистонни Ислом Каримов диктатурасидан озод қилиш учун”, «Эрк» демократик партияси томонидан ташкиллаштирилган узлуксиз норозилик акцияси давом этмоқда. Ўзбекистонлик демократларнинг чодирига хавф солаётган совуқ ёмғир, қор аралаш кучли шамол бугун навбатда турган акция иштирокчиларига писанд эмас.Акция иштирокчилари бугун президент Путинга мурожаат ёзишди.

Россия Федерацияси Президенти В.Путинга

МУРОЖААТ

Биз, Ўзбекистон «ЭРК» Демократик партияси аъзолари Сизнинг Россия фаровонлигини мустаҳкамлаш йўлида олиб бораётган саъй ҳаракатларингизни юксак баҳолаган ҳолда Сизга мурожаат қиламиз.

Айни пайтда биз Ўзбекистон Президенти И. Каримов олиб бораётган мустабид режимни қўллашга қаратилган Россия Федерацияси сиёсатини маъқул деб топмаймиз.

Сизга маълумки, бой табиий заҳираларга эга бўлган Ўзбекистон дунёнинг иқтисодий ривожланмаган мамлакатлари қаторида қолиб кетмоқда. Ўзбекистон халқи қашшоқлик ва очликдан қутулиш, тирикчилик қилиш илинжида, Ғарб мамлакатларига, шу жумладан Россияга чиқиб кетишга мажбур бўлмоқда.

Етилган инқирознинг асосий сабаблари: иқтисодий ва сиёсий эркинликларниннг, демократик институтларнинг йўқлиги, ҳукуматнинг коррупцияга ботгани, ўзгача фикрловчилари ва муҳолифат вакилларига тазйиқларнинг кучайиб бораётганидадир.

Дунё ҳамжамияти жуда яхши биладики, ёпиқ жамият Ислом Каримов режимининг давом этишига, унинг ўз президентлик ваколатларини узайтиришига имкон яратади.

Илгари Сиз бир неча бор ўз чиқишларингизда Европа ҳамжамияти мамлакатларининг иккиюзлама сиёсатини танқид қилган эдингиз. Эндиликда биз афсус ва надомат билан худди шундай ҳолатни Россиянинг Каримов режимига бўлган муносабатда кўриб турибмиз.

Минтақадаги ўз геополитик мақсадлари ва манфаатлари йўлида, инсон эркинликлари ва фундаментал ҳуқуқларининг қўпол бузилишларидан кўз юмиш Россия сингари буюк мамлакатга ҳеч қачон обрў келтирмайди.

Президент И.Каримов аксилтеррор курашини баҳона қилиб Ўзбекистондаги ўзгача фикрли инсонларни йўқ қилар экан, ўзининг инсониятга қарши жиноятларини оқламоқчи бўлади.

Бироқ бутун ўзбек халқи террорчи бўлиши мумкин эмас!

Ниҳоятда таранглашган Ўзбекистондаги ижтимоий-иқтисодий вазият фожиали оқибатларга олиб бориши мумкин. Қашшоқлик ва ғазабдан сабр косаси тўлган Ўзбекистон халқи кўчаларга чиқиши, оммавий тартибсизликлар ва тинч фуқароларнинг ўлдирилишига, бу билан минтақа барқарорлигининг издан чиқишига сабабчи бўлишлари мумкин.

Агар бу нарса содир бўлса, бунинг учун нафақат И.Каримов ва унинг режими, балки уни қўллаб қувватлаётган давлатлар ҳам жавобгар бўлишади.

Тарихдан маълумки, Ўзбек халқининг Россия халқлари билан бир неча юз йиллик ажралмас ришталари боғланган.

Умид қиламизки, агар Россия халқи мустабид Каримов режимидан юз ўгирса Россиянинг Ўзбекистон билан устивор муносабатларида ижобий натижаларга эришилади.

Ҳурмат билан,
Акция иштирокчилари номидан

1. Дўстназар Худойназар – Ўзбекистон “Эрк” Демократик партияси Европа бўлими мувофиқлаштирувчиси.
2. Фазлиддин Нормуҳамедов - Ўзбекистон “Эрк” Демократик партияси Европа бўлими мувофиқлаштирувчисининг ёрдамчиси.
3. Йўлдош Очилов - Ўзбекистон “Эрк” Демократик партияси швеция бўлими котиби
4. Маъруф Абдуғаффаров - Ўзбекистон “Эрк” Демократик партияси Стокгольм бўлими котиби
5. Андрей Жидик - Ўзбекистон “Эрк” Демократик партияси фаоли
6. Феруза Мирзақулова - Ўзбекистон “Эрк” Демократик партияси фаоли
7.Аваз Фаёзов - муҳолифатчи;
8. Варид Гадиров - Ўзбекистон “Эрк” Демократик партияси фаоли
9. Халилов Юлдаш - Ўзбекистон “Эрк” Демократик партияси фаоли
10. Тўлқин Қораев, мустақил журналист.
11. Юсуф Расулов, мустақил журналист.

12. Қудрат Бобожонов, мустақил журналист.

Швеция, Стокгольм шаҳри. Медборгплатц майдони.
Ўзбекистон “Эрк” Демократик партияси норозилик чодиридан.
Қайта алоқа учун манзил: Strandvägen 13. 85466 Sudsvall. Sverige
dost.nazar@yahoo.com

Ёмғирни соғинар қуллар карвони

Давронбек — Sun, 02 Dec 2007 11:12:03 GMT

Эртага ҳам ёғмайди ёмғир,
Қуллар ютар чангли ҳавони.
Саҳро ҳамон серқуёш ахир,
Куйдиради юрсанг товонинг.

Эртага ҳам ёғмайди ёмғир,
Қуллар билмас қайга юрмоқни.
Сал бойиган ўйлайди қинғир –
Афзал кўрар даврон сурмоқни.

Эртага ҳам ёғмайди ёмғир,
Баъзи қуллар қочар шимолга.
Уларнинг ҳам қисмати тахир –
Дуч келишар муздек шамолга.

Эртага ҳам ёғмайди ёмғир,
Ҳали узоқ ётади қуллар.
Гармселдан бу қисмат оғир,
Сал кўз очса, ёпади қумлар.

Эртага ҳам ёғмайди ёмғир,
Қуллар билмас иқлим тармоғин.
Шимолдан ёв боқар муғомбир –
У белгилар қуллар сарбонин.

Эртага ҳам ёғмайди ёмғир,
Сарбон атрофида лаганлар –
Миясин ёв айнитган олғир,
Ювиндихўр итлар, шакаллар.

Эртага ҳам ёғмайди ёмғир,
Булут борки, этилгай сургун.
Қул кўринса исёнкор, ёвқур,
Чўқиб ташлар қўшкалла бургут.

Эртага ҳам ёғмайди ёмғир,
Ҳали қуёш килар сиёсат.
Бу қулларнинг калласи хомдир –
Етмас ёки йўқдир фаросат.

Эртага ҳам ёғмайди ёмғир,
Ҳали кўпаяди касаллар.
Қилич эмас, қалами чопқир
Не-не зотлар ёзар асарлар.

Эртага ҳам ёғмайди ёмғир,
Чанқоқ ўртар қуллар карвонин.
Ҳурмиз дея адашган шоир
Ёқмагунча тузган девонин.

Эртага ҳам ёғмайди ёмғир,
Келар куннинг бундан ёмони.
Менман деган қулвачча бойнинг
Қуриб қолар сувли қозони.

Эртага ҳам ёғмайди ёмғир,
Қурир ҳали теран тупроқлар.
Озодмиз деб қуллар кўп чалғир –
Лақиллатар не-не гумрохлар.

Эртага ҳам ёғмайди ёмғир,
Қуллар кўзи чангга тўлади.
Бундай тақдир уларга мосдир,
Мутлоқ ачинмаса бўлади.

Эртага ҳам ёғмайди ёмғир,
Дарахт чирир, тўкилар хазон.
Нураб ётган мачитда кимдир
Нари-бери айтади азон.

Эртага ҳам ёғмайди ёмғир,
Ювилмагай ҳали гуноҳлар.
Фақат луқма ютмоққа қодир
Ҳалқумларга тўлгунча оҳлар.

Эртага ҳам ёғмайди ёмғир,
Ҳали кўз ёш қуриб кетажак.
Темурдек тош бўлгунча бағир,
Ёмғир ёғмас, бўлмас келажак.

Ҳали эрта, ёғмайди ёмғир

Жамол Дангал
Андижонлик шоир,
Ўзбекинфо

Мен ҳам Ўзбекистонданман...

Давронбек — Tue, 27 Nov 2007 23:20:39 GMT

Мен Тошкентда туғулиб ўсганман. Ёшим 27 да. Каримов хокимиятга келганида 8 ёшли бола эдим. Отам иссиқлик энергияси мутахасиси, менинг ўзим ҳам иссиқлик энергияси мутахасисиман. Бундан икки йил муқаддам ота онамдан ва мендан пул ундириш мақсадида ҳеч бир сабабсиз прокурор санкциясисиз уйимизда тинтув ўтказишди ва мен турадиган хонадан режимга қарши варақа ва қанақангидир дисклар топишди.

Мен ҳеч қандай диний ёки бошқа бирор ташкилотга аъзо бўлмаганман шу сабабли бу варақа ва дисклардан бехабар эдим. Мени уч кун милиция бўлимида овқатсиз ва уйқусиз ушлаб туришди. Сўнг пул топиб келишимни айтишди ва шаҳардан чиқиб кетмаслик шарти билан қўйиб юборишди.

Мен таниш билишларнинг маслаҳати билан Ўзбекистондан чиқиб кетдим. Ҳозирги вақтда Швецияда яшаяпман. Интернетда “Эрк” партияси ҳақида ўқиб партияга киришга ватанга ҳизмат қилишга қарор қилдим. Стокголмда бошланган пикетда уч кун давомида - туну кун навбатчилик қилдим. Соғлиғим тикланганлиги сабабли, пикет ташкилотчиларидан, яна мени навбатчиликка ёзишларингизни сўрайман.

Мен ишонаманки, ким нима деб ёзмасин, биз албатта бир кунмас бир кун демократик давлатга эришамиз! Мен буни шу пикет даврида тушундим ва мен аминманки, Ўзбекистонда демократик давлат қурилади!

Бу совуқ ва қорли кунлар бизнинг хотирамизда қолади. Мен биламанки, менинг тенгдошларим бизни қўллайдилар, бу пикетлар келажак учун замин яратади.

Мен бу пикетда бизнинг талабларимизга имзо чекиб, бизни қўллаётганларнинг юзларидаги табассум ва биздан олган зумрад ранг ленталарини фахр билан тақишларини кўрдим.

Мен ишонч билан айтаманки биз курашдан қайтмаймиз.

Гадиров Варид, Uzbekinfo.org

Швед телевидениеси Ўзбекистонда болалар мехнатидан фойдаланиш хакида

Давронбек — Mon, 26 Nov 2007 22:46:17 GMT

25 ва 26 ноябр кунлари Швеция телевидениесининг SVT 1 канали орқали Ўзбекистонда пахта йиғим теримида болалар меҳнатидан фойдаланиш ҳақида 30 дақиқлик кўрсатув намойиш қилинди. Кўрсатувда ўзбек пахтасини сотиб олаётган Швеция ва Европанинг бошқа мамлакатларидаги нуфузли техстил фабрикалари вакиллари ҳам иштирок этишган. Улар бундан кейин ўзбек пахтасини бойкот қилиш ёки сотиб олмаслик масаласини муҳокама қилишларини билдирдилар.

Айни пайтда Швеция пойтахти Стокҳолмда давом этаётган ўзбек мухолифати аъзоларининг узлуксиз пикетида ҳам айни шу талаб асосий ўринга қўйилган. Пикетчилар Европа Иттифоқига аъзо мамлакатлардан болалар меҳнати эвазига етиштирилаётган ўзбек пахтасига бойкот қилишни сўрашмоқда.

Кўрсатувни томоша қилиш учун қуйидаги линкни босинг:

http://svt.se/svt/jsp/Crosslink.jsp?d=2216

Саҳифа очилгач ўнг томондаги қуйидаги сарлавҳани боссангиз кифоя.

Agenda - 25 november
Agenda 25 november: Om barn som jobbar under slavliknande förhållanden. Hamnar deras produkter i Sverige?

Жаҳонгир Ўзбекистонга депортация этилмаслиги керак

Давронбек — Mon, 26 Nov 2007 18:58:28 GMT

Британияда бир қатор фаоллар ўзбекистонлик бошпана изловчи Жаҳонгир Сидиқовнинг ортга депортация қилинишини тўхтатиш йўлида иш бошлашган. Жаҳонгир Сидиқов айни пайтда Лондондаги "Ҳитроу" ҳаво қўналғасининг махсус бўлимида сақланмоқда.

Жаноб Сидиқовни чиқариб юбормаслик керак, деб айтаётган фаолларга кўра, агар у Ўзбекистонга қайтарилса, ҳаёти хавф остига тушади ва қийноқ ҳамда қамоққа маҳкум этилиши мумкин.

Жаҳонгир Сидиқовнинг ортга депортациясини тўхтатиш йўлида фаолият олиб бораётган фаоллардан Шоҳида Ёқуб Би-би-си билан суҳбатида ўз хавотирлари сабабини унинг "Эрк" партияси аъзоси ва 2006 йилда Андижон воқеаларининг бир йиллик санаси муносабати билан Лондонда уюштирилган норозилик намойишидаги фаол иштироки билан изоҳлаган.

Шоҳида Ёқубнинг айтишича, Лондондаги намойиш Ўзбекистон элчихонаси ходимлари томонидан батафсил видео тасвирга туширилган. Ва Жаҳонгир Тошкентдаги яқинларидан 2006 йилнинг куз ойида Ўзбекистон хавфсизлик хизмати ва ҳуқуқ-тартибот ходимлари уйига келиб, видео тасмани кўрсатиб, ўзи борасида сўраб-суриштирганликлари ҳақида эшитганини айтиб берган. Шоҳидага кўра, худди шу сабабдан ҳам Жаҳонгир Ўзбекистонга қайтарилган тақдирда ҳаёти хавф остида, деган фикрдалар.

Жаҳонгир Сидиқов аслида Британияга таҳсил олиш учун келган. 1999-2003 йиллар оралиғида Лондоннинг Сити (City) Университетини тугатган. Орада Ирландия фуқароси билан турмуш қуриб, сўнгроқ ажрашган. Ва Ўзбекистонга қайтиб борган тақдирда ҳаёти хавф остида қолишидан хавотирланиб, 2007 йилнинг сентябрида сиёсий бошпана сўраб, Британия ички ишлар вазирлигига мурожаат қилган.

Шоҳида Ёқубга кўра, Британия ички ишлар вазирлиги депортация қилинган тақдирда Жаҳонгирнинг ҳаёти хавф остида қолиши мумкинлигини тасдиқловчи қатор тавсияномаларнинг сохта эканини айтиб, тан олмаган. Ўз ўрнида, Жаҳонгирнинг британ Олий маҳкамасига қилган шикоят аризаси ҳам худди шу сабаблар билан рад этилган.

Шоҳиданинг айтишича, ҳозир бир қатор фаоллар билан Жаҳонгир Сидиқовга ҳимоячи топиш ҳаракатидалар. Унга кўра, ҳимоячисига эга бўлгач, Жаҳонгирнинг ихтиёрида депортация жараёнини кечиктириш ёки сиёсий бошпана олиш саъй-ҳаракатларини бошдан бошлаш имкони бўлади.

Кўплаб кузатувчиларнинг фикрларича, сўнгги икки йил ичида Буюк Британия дохил қатор Ғарбий Оврўпо давлатларида қочқинларнинг сиёсий бошпана олишлари қийинлашган. Уларга кўра, Оврўпо Иттифоқининг кенгайиши ортидан мазкур давлатларга муҳожирлар оқимининг кучайиши қочқинларга нисбатан муносабатнинг салбийлашувига сабаб бўлган.

Бироқ Шоҳиданинг айтишича, Жаҳонгир Сидиқов масаласида у ортга депортация қилинган тақдирда ҳаёти хавф остида қолишини исботловчи ҳамма далиллар бор. Унга кўра, агарда Жаҳонгир Ўзбекистонга қайтарилса, бу - Британия томонидан нафақат инсонпарварлик тамойиллари, балки-да Оврўпонинг Инсон ҳуқуқларига оид конвенциясининг ҳам бузилиши бўлади.

Шоҳида Ёқуб ўзбекистонлик қочқинларга сиёсий бошпана берилиши нега қийинлашгани саволи билан Британия ички ишлар вазирлиги ва парламенти вакилларига мурожаат қилгани, бироқ ўз саволига жавоб топа олмаганини айтган.

Диққат: 2007 йил 23 декабрда Энг даҳшатли террор содир қилинади!

Давронбек — Sat, 17 Nov 2007 06:26:56 GMT

Юсуф Жумаев.

2007 йилнинг 23 декабрь куни Дунё тарихидаги энг катта, энг даҳшатли террорни дунёнинг энг даҳшатли, энг биринчи террорчиси Ислом Каримов содир қилади. Дунё тарихида 1937 йил Сталин террорининг даҳшатли йили, 2001 йил 11 сентиябрь АҚШдаги террор кунига ўхшаган даҳшатли саналар кўп. Энг даҳшатлиси 2007 йил 23 декабрь.

Жаҳоннинг энг чекка бир мамлакатидаги энг чекка бир қишлоғидаги бир автобусни икки террорчи қўлга олса бир зумда бутун олам хабардор бўлади. бутун жаҳон мамлакатлари раҳбарлари бу террорни қоралайди. Террорчиларни қўлга олиш учун барча чораларни кўришади.
Бироқ….

Бироқ 27 миллион аҳоли яшайдиган бир мамлакатнинг ҳокимиятини бир террорчи босиб олса, ҳеч ким индамайди. Дунё мамлакатлари раҳбарлари жим. Ҳатто кўплари бу террорчини табриклашади.

Нега?!

Бу саволга ҳеч ким жавоб бермайди. Ҳамма жим, жоҳил инсоният, жоҳил раҳбарлар жим. Ўзбекистон Президенти аталмиш И.Каримов қарийб йигирма йилдан буён ҳокимиятни зўравонлик билан босиб олган. 2007 йилнинг 23 декабрида тағин етти йилга босиб олади. Тағин етти йил 27 миллион инсон қонини ичади. Гўдаклардан тортиб чолу кампирларгача барча барчанинг қонини Андижондагидек тап тортмай ҳар кун ичади. Тағин етти йил! Дунё мамлакатлари раҳбарлари Ислом Каримовни табриклашади. БМТ раҳбари табриклайди.

Икки террорчи бир автобусни қўлга олса икки террорчига ўқ узишади, тўғри қилишади. Бир террорчи 27 миллионлик мамлакатни босиб олса табриклашади. Яқинда Ислом Каримовни табриклашади. Ҳатто ўзини демократия байроқдори деб билгувчи Европа ҳам табриклайди.

Дунё дунёми ё жиннихонами?!
Давлатларини Ислом давлати деб атайдиган Эронлик жоҳиллар Исломнинг душмани Ислом Каримовга ялтоқланиб, Тошкентни 2007 йилга Ислом маданияти пойтахти деб эълон этишди. Ҳолбуки, Ислом Каримов Тошкентни йигирма йилдан буён Исломчилар қони билан ювмоқда. Тағин етти йил ювади.

Тағин табриклашади Ислом дунёси Ислом Каримовни – Исломнинг, Озодликнинг душманини.
Бас, инсоният унинг пешволари БМТ даражасида бир қарорга келиши керак. Барча мамлакатларда 4 йилдан икки карра сайланишдан бошқасини тақиқлаш керак. Бир Диктатор ўттиз йиллаб тахтда қолиб бир неча авлод ҳаётини зулм билан ёндирмаслиги лозим.

Ғофил инсоният. Кўзингни оч!
БМТ, Европа итифоқи, кўзингни оч!
27 миллион аҳолиси бўлган мамлакатни босиб олган террорчига бир автобусни босиб олган террорчига берган жазони бермаслик уят эмасми?!

Жазо нари турсин тағин етти йил босиб олишини террор эмас сайлов деб томошабин бўлиб туриш шармандалик эмасми?!

О Г О Ҳ Б Ў Л !
207 йил 23 декабрда дунё тарихидаги энг даҳшатли террор Ўзбекистонда содир этилади. Дунёнинг энг даҳшатли, энг биринчи террорчиси Ислом Каримов Ўзбекистон ҳокимиятини тағин етти йилга босиб олади.

Ислом Каримов режими менинг якинларимдан

Давронбек — Sat, 10 Nov 2007 21:14:57 GMT

Толиб Ёкубов

Мен якинларим хакида жуда кам ёзганман. Углимга нисбатан икки марта маъмурий конунбузарлик ва бир марта жиноий иш буйича бошдан оёк уйдирмадан иборат булган жавобгарлик ишлари кузгатилганда хамда 2005 йил 5 ноябрь куни Сирдарё вилояти ИИБ терроризмга карши кураш булими бошлиги полковник Мусо Ражабовнинг жинояткорона буйруги билан Гулистон шахрида яшовчи куёвим Азамжон Фармоновнинг квартирасига ут куйишган ва 2006 йил 29 апрельда яна уша М.Ражабовнинг саъй-харакати билан Азамжон ва ташкилотимиз аъзоси Алишер Караматов камокка олинганда ёзганман.

Янги Узбекистон тарихида 2006 йил алохида эсда колса керак – айнан шу йил Жаслик (Коракалпогистон Республикаси)даги УЯ 64/71 концлагерига биринчи хукукбон – менинг куёвим этап килинди. Мазкур концлагерда минглаб диний эътикоди учун камалган узбек йигитлари, «Бирлик» халк харакати Андижон вилоят рахбари Журабек Азимов каби мухолифат вакиллари камокда сакланган ва вахшиёна кийнокларга солинган. Журабек Азимов ва бошка унлаб, балки юзлаб йигитларнинг жасади уйларига жунатилган. Узбекистон Инсон Хукуклари Жамияти (УИХЖ) бу концлагерь буйича 1999 йилдан бери мониторинг олиб боради ва факат икки махбус (Фаргона вилоятидан) бу зонадан тирик уйига етиб келганини аниклаган, бирок улар хам 1-2 ой ичида бирин-кетин вафот этишган.

Кизим Озода Ёкубова 3 ноябрь куни Азамжон билан куришувдан кайтиб келди ва турмуш уртоги вахшиёна кийнокларга солинаётганини сузлаб берди. Мен мухтарам укувчилар диккатига унинг давлат бошлиги номига ёзган шикоятини хавола этмокчиман.

Ислом Каримов диккатига эса куйидаги гапни айтиб куймокчиман:
Сиз хозир давлат бошида турибсиз ва Сизни Мусо Ражабовга ухшаш Худони танимас одамлар куриклаб турибди. Шунинг учун хам Сиз: «Менга хеч ким жазо бера олмайди» деган ишонч билан билган ёвузликларни килмокдасиз. Сизнинг ёшингиз 70 га тулаяпди, балки динсиз ва Худосиздирсиз. Бирок, Сиз бу дунёлигингизни яшаб булдингиз ва нариги дунё эшиклари Сизга куриниб колди. Худога ишонасизми, ишонмайсизми, бундан катъий назар Унинг олдида жавоб бериш кунингиз якинлашмокда. Уша куни М.Ражабовга ухшаш бирор одам Сизга ёрдамга келмайди. Ал-касосу, мин ал-Хак!

Толиб Ёкубов

10 ноябрь 2007 йил

Франция

УЗБЕКИСТОН РЕСПУБЛИКАСИ ПРЕЗИДЕНТИ И.КАРИМОВга

Нусхалари: УзР БОШ ПРОКУРОРИ Р.КОДИРОВга

УзР ИЧКИ ИШЛАР ВАЗИРИ Б.МАТЛЮБОВга

ЖИЭББ бошлиги А.ШОДИЕВга

УЯ 64/71 ЖИЭМда сакланаётган махбус
Азам Тургунович Фармоновнинг турмуш уртоги,
Гулистон ш., 3-миттитуман, 16 –уй, 2-хонадонда яшовчи
Якубова Озода Талибовнанинг

ШИКОЯТИ

Хурматли Президент!

Мен конун буйича балки ушбу шикоятни дастлаб Узбекистон Республикаси Жазони ижро этиш бош бошкармаси бошлиги Абдукарим Шодиев ёки Узбекистон Республикаси Бош прокурори Р.Кодиров номига ёзишим лозимдир, бирок бу лавозимли шахсларнинг отам Толиб Ёкубовга булган муносабатларини билган холда уни шахсан Сизнинг номингизга ёзишни афзал билдим.

Шикоят хатимнинг бошида шуни айтишим лозим-ки, отам узининг сиёсий ва хукукбонлик фаолияти давомида хеч качон Сизнинг шахсингизга карши курашган эмас, балки у Сиз шакллантирган нодемократик сиёсий тузумга карши курашиб келган. Менинг олдинги жумламдан хафа булманг, хурматли Президент. Мен бу фикрни Сизда: «Толиб Ёкубовнинг кизи бош эгиб келди!» - деган нотугри тушунча пайдо булмаслиги учун ёздим, чунки мулла Ёкубнинг авлоди хамма вакт магрур юрган ва гапирган.

Ушбу шикоятимдан сунг мен ва оиламизнинг бошка аъзоларига тазйиклар бошланиши мумкинлигини яхши тушунаман. Шундай булса-да, мен шикоятимни айнан Сизнинг номингизга ёзишга карор килдим, чунки шахсан менинг узим Сизнинг: «Биз демократик хукукий давлат курамиз» - деган гапингизга ишониб келганман.
Менинг турмуш уртогим Азам Фармонов 2006 йил 29 апрель куни Жиззах ва Сирдарё вилоятлари прокуратуралари ва милициялари ходимларининг жинояткорона хатти-харакатлари билан камокка олинди ва жиноят ишлари буйича Янгиер шахар судининг раиси Эркин Хидирбоевнинг жинояткорона итоати натижасида суд килиниб, 9 (туккиз) йил озодликдан махрум килинди. Сирдарё вилояти ИИБ терроризмга карши кураш булимининг бошлиги полковник Мусо Ражабов Азам Фармоновга: «Мен сени барибир бир кун Жасликка жунатишга эришаман» - деган гапни куп марта такрорлаган. Янги Узбекистон тарихида битта хукукбон – Азам Фармонов –Жаслик зонасига юборилди, яъни М.Ражабов уз сузининг устидан чикди ва мамлакатнинг халкаро майдонда обру-эътиборини юксак даражага кутарди.

Менинг иккинчи фарзандим отасини биринчи марта 1500 км нарида жойлашган, куш учмайдиган, бирвактлар кимъёвий бомбалар портлатилиб синовдан утказилган жойда ташкил килинган УЯ 64/71 камокхонасида курди. Менингча, янги Узбекистон тарихида бундан бошка бундай юз куришиш булмаган булса керак. 2005 йил 5 ноябрь куни М.Ражабов бошлик жиноятчилар Гулистон шахридаги оиламиз яшаётган бир хонали квартирамизга ут куйишди ва мен ёш болам билан кучада колдим. Сизни ишонтириб айтаман, М.Ражабовга ухшаганларнинг жинояткорона ишлари сиёсий тузумга бизнинг мехримизни оширган эмас. Аксинча, нима сабабдан отамиз сиёсий ва хукукбонлик майдонида кураш олиб бораётганининг мохиятига тушуна бордик.

Мен 2 ноябрь куни турмуш уртогим Азам Фармонов билан учрашувдан кайтдим ва унга нисбатан кулланилаётган кийноклар натижасини уз кузим билан куриб келдим. Бу менинг Жасликка туртинчи сафарим булди, биринчи сафарим (2006 йил 15 сентябрь) ЖИЭББ ва зона бошликларининг ноконуний хатти-харакати туфайли самарасиз тугади – менга турмуш уртогимни курсатишмади. Энди маълум булишича, уша пайтда Азам Формонов каттик кийноклар натижасида огир ахволда булганлиги сабабли уни менга курсатишмаган экан. Ундан илгари, 2006 йил август ойида Азам Фармоновнинг икки акаси ва опасининг Жасликка бориши хам натижасиз булган эди. Азам Фармонов билан биринчи учрашувга у камалгандан кейин 9 (туккиз) ой утгач (2007 йил 25 январь) рухсат берилди, холос. Энди маълум булишича, у биринчи учрашувга кадар зонадаги ШИЗО (штрафной изолятор)дан деярли чикарилмаган ва турли вахшиёна кийнокларга солинган.

Мен куйида зона рахбариятининг охирги бир неча ой ичида килган жиноятларига тухталмокчиман, холос. Зона рахбарияти Азам Фармоновга тухмат уюштириб, уни 2007 йил 23 майдан 19 июньга кадар, яъни 27 кун ШИЗОга ташлаган, у ерда дубинка таёк билан оёгининг ости ва белига аёвсиз уришган. Натижада изолятордан чиккандан кейин хам 10 (ун) кун деярли оёк босиб юра олмаган. 10 октябрдан 20 октябрга кадар 10 (ун) кун, хеч бир сабабсиз, «сафда нотугри юраяпсан» деган сохта айб билан совук ва зах изоляторга ташлашган. Бу ерда икки кун давомида кулига кишан (наручник) солиб ва темирга боглаган холда беш одам биргалашиб аёвсиз калтаклаган. Бу зах ва совук изоляторда унинг кулоги каттик шамоллаган ва хозирги кунларда хам кулогидан йиринг окиб турибди.

Мен Сизга, хурматли Президент, курганларимнинг бир кисминигина ёзмокдаман. У зонада тартиб урнатувчилар сифатида энг ёвуз, одам киёфасидаги йирткичлар танланган куринади. Мен масаланинг икки жихатига ойдинлик киритишингизни сурайман:

- биринчидан, бутун демократик олам томонидан, инсоннинг камалиши натижасида унинг факат битта хукуки, яъни эркин юриш (сафар килиш) хукуки чегараланади ва шу сабабли у бирор жойга эркин бора олмайдиган территория (зона, лагерь, камокхона) да сакланиши;

- иккинчидан, Узбекистон Республикасининг бир катор нуфузли давлат хужжатлари (Конституция, Жиноят кодекси ва бошкалар)да давлат вакиллари томонидан кийноклар хамда бошка аёвсиз, ноинсоний ёки инсон кадр-кимматини камситувчи муомула турлари ва жазолари кулланилиши жиноят хисобланиши эътироф этилган бир пайтда УЯ 64/71 каби зоналарда кийноклар хамда бошка аёвсиз, ноинсоний ёки инсон кадр-кимматини камситувчи муомула турлари ва жазолари кулланилиб келиши ва кейинги пайтда айникса авж олганлиги давлат сиёсатими ёки уша зоналарда ишловчиларнинг уз фаолиятими?

Агар бу давлат сиёсати булса, у холда биз бундай аксилинсон сиёсатга кунамизми ёки унга карши курашамизми, уйлаб курамиз, агар у давлат сиёсати булмаса, у холда махбусларни кийнаётган хамда уларга нисбатан бошка аёвсиз, ноинсоний ёки инсон кадр-кимматини камситувчи муомула турлари ва жазоларини куллаётган давлат вакилларини жазолаш керак.

Сизни атайлаб хафа килмокчи эмасман, бирок хакикатни айтиш истагим бор: хозирги кунда Сизнинг на узбек жамиятида ва на халкаро хамжамиятда обруйингиз юкори эмаслигини узингиз яхши тушунасиз. Унинг пасайиши куп жихатдан кийнокларнинг кулланилишига боглик эканини хамма гапирмокда.
Менинг бу шикоятим Сизнинг кулингизга етиб боришига менинг гумоним бор – у Сизгача етиб бормаса керак. Бирок, мен Узбекистон фукароси булганим, Сиз эса Конституция буйича менинг хукукларимнинг гаранти булганлигингиз сабабли шикоят хатим Сизга етиб борди, деб хисоблайман.

Шуни хам айтишим лозим-ки, менинг турмуш уртогим Сизнинг шахсингизга карши курашган эмас. У Сирдарё вилоятида булаётган конунбузарликлар, хокимият, прокуратура, милиция, МХХ ва бошка идоралар ходимларининг оддий одамларга утказаётган зулми ва нохакликларига карши курашган ва демак Сизни химоя килган.

Уни угри ва халк мулки булган солярка ва бошка ёкилги-мойлаш материалларини Тожикистон ва бошка юртларга жинояткорона сотаётган кандайдир Уктам Маматкулов деган одамни ишга солиб камашди, яъни Сизга карши ишлаётган угри ва жиноятчини куллаб-кувватлашди. Буни исботлашнинг хеч кандай кийинчилиги йук. Сиз бошкариб келаётган давлатнинг софлиги ва баркарорлиги учун курашиб келган Азам Фармонов 2006 йил 29 апрелдан то хозирга кадар бошка жиноятчилар кулида азоб чекаётир.
Агар Азам Фармонов унга куйилган айбда назарда тутилган товламачи ва таъмагир булганда эди, у бир хонали квартирага эмас, Узбекистон Инсон Хукуклари Жамияти Сирдарё вилояти булимининг раиси булиб ишлаган беш йил ичида вилоят прокурори А.Эргашев, Сирдарё вилояти ИИБ катта терговчиси Бозорбой Кодиров, жиноий ишлар буйича Янгиер шахар суди раиси Э.Хидирбоевлар каби кушша-кушша машина ва ховлига эга булган булар эди.

Юкорида айтилганлардан келиб чикиб, хурматли Президент:
1. Азам Фармоновнинг жиноят иши кайта курилиб, уни тулик оклаган холда озодликка чикариш ва
2. Азам Фармоновга нисбатан сохта жиноий кузгатган ва судлаган хамда УЯ 64/71 ЖИЭМда кийнокларга солаётган барча шахсларни жиноий жавобгарликка тортишни СУРАЙМАН.

Хурматли Президент! Сиз тахт учун курашсангиз, мен аёл сифатида бахтим учун курашаман. Мен ушбу шикоятимни Сизга юборгач, конун доирасида 1 (бир) ой кутаман. Агар шикоятим куриб чикилмаса, ёки юзаки жавоб келса, мен уз хукукларимдан фойдаланиб, президент сайлови олдидан узлуксиз норозилик билдирган холда Президент кароргохи олдида тураман. Менинг кулимда Азам Фармоновга нисбатан жиноят содир этган ва этаётган барча лавозимли шахсларнинг исми-шарифи ёзилган плакат булади. Менинг ахдим каттик, «бир бошга бир улим» деган хакикат ахдимнинг асоси булади. Мен уз акцияларимга Азам Фармонов ва узимнинг купсонли кариндош-уругларимизни жалб киламан. Курккан одам четга чикади. Мени одамларингиз улдиришса:
- мен бахтим учун курашиб халок булган буламан;
- мени ким улдиргани хаммага аён булади ва
- икки боламни икки тарафдаги кариндош-уругим Аллох ёрдамида бокиб олар, деган умиддаман.

Ва нихоят, охирги гапим.
Отам Толиб Ёкубов Азам Фармонов ва Алишер Караматовларнинг жиноий ишида химоячи сифатида катнашиб, у бошдан оёк сохта эканини исботлаган. Исботни отам узининг «МИД Узбекистана как и вся власть безбожно врет» номли маколасида келтирган ва бу хужжатни УИХЖнинг расмий хужжати сифатида «Европада хавфсизлик ва хамкорлик ташкилоти» рахбариятига такдим этган. Бу хужжатни отам ЕХХТнинг 2007 йил июль ойида Венада булган халкаро йигилишида Узбекистон Олий суди судьяси Дилбар Суюнова ва Тошкент шахар адвокатлар коллегияси раиси муовини Гулнора Эшонхоноваларнинг шахсан кулига топширган. Узбекистоннинг ута билимдон, бирок ута айёр прокурорлари мазкур хужжатни хижжалаб урганиб чикишади, деган умидда уни илова килмокдаман.

Якубова Озода Талибовна

07.11.07