Суратда: Ўзбекистон бола боғчаларидан бирида ғишт ташиётган болалар. © фото «Фарғона.Ру» Тошкентда 9 июнь куни Ўзбекистон ҳуқуқ ҳимоячиларининг Ўзбекистонда болалар меҳнатидан фойдаланишга бағишланган учрашуви бўлиб ўтди. 12 июнь куни эса Ўзбекистон ҳуқуқ ҳимоячиларининг бир гуруҳи UNIСEF ташкилотининг (БМТ Болалар жамғармаси) идорасида ташкилот раҳбарияти билан учрашдилар. UNIСEF ва ҳуқуқ ҳимоячилари болалар ҳуқуқини ҳимоя қилиш борасида ҳамкорлик қилишга келишиб олдилар. Ўзбекистон ҳуқуқ ҳимоячилари Халқаро Меҳнат ташкилотининг (МОТ) 12 июнни болалар меҳнатига қарши кураш халқаро куни деб эълон қилиш бўйича 2002 йилда таклиф қилган ташаббусини қўллаб-қувватладилар. Ўзбекистон ҳуқуқни ҳимоя қилиш ташкилотлари вакиллари UNIСEF ходимлари эътиборини Ўзбекистон ҳокимиятининг болалар меҳнатини, айниқса қишлоқ жойларда, эксплуатация қилишни тўғридан тўғри ёки четдан қўллаб қувватлаётганига қаратдилар.
|