Ўзбекистон ҳукуматининг иқтисодни ношуд бошқаруви туфайли мамлакатда инфляция гирдоби сусаймаяпти. Бугун, 1 декабрдан бошлаб республикада транспорт воситаларида юриш ҳақи сезиларли миқдорда ошди. Масалан, Тошкентда метро, автобус, трамвай ва троллейбусда юриш ҳақи 1,25 баравар кўтарилди. Ҳозиргача йўловчилар йўлкирага 160 сўм беришган бўлса, энди 200 сўм тўлайдилар ёки манзилларига яёв борадилар.

Бир вақтлар Тошкент телевидениесидан Тайлоқов деган синоптик об-ҳаво маълумотини айтаркан, жазирама ҳарорат даражасини паст кўрсатиб, аҳолини алдар ва тиржайиб турар эди. Ўзбекистон ҳукуматининг ойлик эмас, балки йиллик инфляцияни уялмай-нетмай 4 % атрофида деб кўрсатиб, фаровонлик ҳақида гапириши ўша синоптикнинг гапларига ўхшайди.

Алдагани бола яхши, дейдилар. Ўзбекистон режимида катталар ҳам энди бамисоли болалардек. Ишонаверадилар.

У.Т.