Бирлашган Миллатлар Ташкилотига, БМТнинг Қочқинлар ишлари бўйича кўмитаси ва Инсон Ҳуқуқлари бўйича Кенгашига, ЕХҲТга, Европа Иттифоқига, Европа Иттифоқи Парламентига, Хъюман Райтс Вотч, Халқаро Авф, Инсон ҳуқуқлари бўйича Халқаро Хелсенки Федерацияси, Чегарасиз мухбирлар ташкилотларига
Маҳбуса ҳуқуқ ҳимоячиларини озод этилишини талаб қиламиз!

Умида Ниёзовани 22 январ куни ҳибсга олиниши Ўзбекистон инсон ҳуқуқлари ҳаракатига нисбатан амалга оширилган катта зарба бўлди. Уни чегарани ноқонуний кесиб ўтганликда ва экстремистик руҳдаги адабиётларни ташиганликда айбладилар.

Авторитар режим жаллодлари яна бир бор ўзларини нақадар қаттол эканликларини намоён этдилар. Аслини олганда , бу ўзгача фикрловчилардан қасос олишдир. Ҳуқуқ ҳимоячиси бўлган аёлларни фарзандларидан жудо қилиш анъанага айланиб бормоқда. Бу усулдан фойдаланган ҳолда уларни сиёсий фаолиятларини тўхтатишга мажбур этишмоқда.

Мўътабар Тожибоева, Гулбаҳор Тўраева ва Умида Ниёзова Ўзбекистонда кўзга кўринган жамоат вакилларидир. Уларни довюраклик ва ҳақиқат учун курашиш туйғулари бошқалардан алоҳида ажратиб туради. Улар 2005 йилнинг 13 май куни Андижонда содир бўлган воқеалар юзасидан мустақил халқаро текширув ўтказиш тарафдори эдилар. Бу инсонлар қўлга киритган далиллар ҳақиқатдан ҳам асослидир. Амалдаги режим уларни коррупцияга оид жиноят содир қилгани учун шартли жазо олган бош вазир ўринбосари Исмоил Жўрабеков ва Козим Тўлагановга нисбатан ҳақиқатдан ўта хавфли деб ҳисоблайди. Шубҳасиз бу амалдорлар диктаторнинг яширин буйруқларини сўзсиз адо этдилар ва ҳеч қачон унга қуйидаги саволларни бера олмадилар:

Андижон қатлиоми пайтида қанча болалар, аёллар ва қариялар ўлдирилган?
Андижон воқеаларидан кейин қанча одам оммавий равишда кўмиб юборилган?
Ҳукумат қўшинларини 2005 йилнинг май ойидаги андижон воқеалари пайтида ўт отар қуроллардан фойдалангани қанчалик тўғри ва асосли?

Айнан шу сабабли биз бу уч ҳуқуқ ҳимоячисини зудлик билан озод этилишини талаб қиламиз, чунки уларнинг айби тасдиқланмаган, уларга нисбатан далиллар эса тўқиб бичилган.

Ўзбекистон демократик ҳаракати вакиллари:

Ҳазратқул Худойберди, Ўзбекистонда демократия ва инсон ҳуқуқлари масалалари билан шуғулланувчи Доимий Комиссия спикери, Швеция.

Юсуф Расул, Қувғиндаги ўзбек ижодкорлари Уюшмаси раиси, Швеция.

Муҳиддин Қурбонов, Ҳуқуқ Ҳимоячилари Халқаро Жамияти раҳбари, Швеция.

Баҳодир Чориев, "Бирдамлик" ҳаракати етакчиси, АҚШ.

Қудрат Бобожон, Ўзбекистонда матбуот эркинлиги учун гуруҳи аъзоси, Швеция.

Тўлқин Қораев, мустақил журналист, Швеция.

Алишер Сойипов, Valley Media Group ташкилоти раҳбари, Қирғизистон, Ўш.

Дўстназар Худойназар, Ўзбекистонда демократия ва инсон ҳуқуқлари масалалари билан шуғулланувчи Доимий Комиссия спикери ўринбосари, Швеция..

Бахтиёр Ҳамроев, Ўзбекистон Инсон Ҳуқуқлари Жамияти Жиззах вилоят бўлими раиси, Ўзбекистон.

Исмоил Дадажонов, "Бирлик" партияси раиси ўринбосари, Швеция.

Сулаймон Муродов, "Эрк" партияси Марказий Кенгаши аъзоси, АҚШ.

Сафар Бекжон, Халқаро Ёзувчилар Парламенти аъзоси, Швецария..

Баҳодир Файзи, жамиятшунос, АҚШ.

Ҳотам Ҳожиматов, Узбек сиёсий мухожирлар жамияти, Норвегия.

2007-01-29, 01:02