2007 йилнинг 23 декабр куни Каримов ўзини қайта сайлаб оладиган сайловлар бўлиб ўтади.
Демак энди ўзбеклар, юртингизнинг камида етти йил тубанликка қараб кетишига тайёрланаверинг.

Яна етти йил Ўзбекистонда қашшоқлик ҳукмронлик қилади.
Яна етти йил сизнинг фарзандларингиз Россия, Қозоғистон, Шимолий Қурияда қул бўладилар, қўшмачилар сизнинг қизларингизни араб шайхларига сотадилар.
Яна етти йил Москвада, Сеулда, Арабистонда ўзбекларни ўлдирадилар ва ҳеч ким уларни нима учун ўлдирилганини сўрамайди.
Яна етти йил сиз Каримовга эмас, Аллоҳга сажда қилганингиз учун панжара ортида ўтирасиз.

Яна етти йил сиёсат билан шуғулланганингиз учун сизнинг тирноқларингиз суғуриб олинади.
Яна етти йил сиз ўзбек бўлганингиз учунгина ўз Ватанингизда ўзингизни жиноятчидек ҳис қиласиз.
Каримов иқтидорда экан, унинг жаллодлари омон экан, сизни бамисли ҳайвонлар подаси каби қўрага ҳайдашади ва қайта-қайта ўлимга маҳкум этиласиз.

Токи сиз бу махлуқ қаршисида қўрқувда экансиз, қора ер сизнинг нонингиз бўлади.
Токи сиз “Тинчлик бўлса бўлди” дея шивирлашни бас қилмас экансиз уруш остонангиздан нари кетмайди.
Агар Каримов сояси тепангизда экан, сиз Қуёшни кўрмайсиз.

Агар елкангизда 17 йилдан буён ўрнашиб олиб, сизнинг қўрқоқликларингиз қони билан боқилган бу юҳони улоқтириб ташламас экансиз сизга на Ғарб, на шарқ ёрдам бера олади.

Уни ортиқ озиқлантирманг, бошингизни кўтаринг.
Сиз 17 йилдан буён кўрмай келаётган очиқ осмонни кўришингиз учун вақт етди.

Шунда сиз энг муҳими, бу Юҳо - аслида сон-саноқсиз чўнтакларида халқ бойликларини яшириб келаётган бир эски қоп эканини англайсиз. Бу қопни силкитинг ва халққа халқникини қайтаринг, қопни эса Тарих ахлатхонасига улоқтиринг…
Бироқ олдин бошингизни кўтаринг.

(Русчадан Ю.Расул таржимаси).