Сени марҳум дейишга тил бормас. Зеро Cен мангуликка дахлдор буюк инсонсан. Сен дунёда ҳақиқий ўзбек қандай яшаши ва курашиши кераклигини исботлаб кетдинг. 1 Бугун юрак хомуш ва ғамгин Ҳақикқатга ўқлар отилди. Кулфат эса мағрур ва ғолиб Виждон бугун пулга сотилди. Ўшда ўчди бир нурли чироқ, Оппоқ рухга айланди дўстим. Бунча аччик бўлмаса фироқ, Нега сени қучоқлар ўлим. Сен ёнардинг, ёндириб халқни Муз қалбларга берардинг умид. Истеъдодинг ёритди ҳакни, Лекин кўкда қоп-қора булут. 2 Ўзбекистон аталмиш юртда Халқ қонини золим сўрарди. Тенгдошларинг Ўзбекистонда, Қуллик даврин афзал кўрарди. Эртаю-кеч қонхўрни мақтаб, Виждонини ичга ютарди. Ўз халқини отганни оқлаб, Ҳомийсидан эҳсон кутарди. Хақиқатгўй мухбирни доим, Қоралашар тўтиқуш мисол. Зарур пайда бўлишар ғойиб Халқ корига ярашмас зинҳор. Алишерчи халқин севарди, Хамдард эди унинг дардига. Ўлим, сенинг қўлинг қабарди, Харид бўлдинг Ўшнинг мардига. 3 Ҳайқираман сенга эй, қисмат Борми ўзи бунда адолат? Қачонгача қотил қабохат , Қачонгача ғолиб разолат! Олислардан янграйди садо, Ғолиб бунда Алишер,ишон! Ёвуз бир кун бўлади адо, Тарих қулларига солади кишан. Виждонини иблисга сотган, Қотилларга дўзах бор,тайин. Тепадаги мағорлаб ётган, Кимсанинг хам ўлими якин. Матлуба Азаматова
|