| Улар охирги марта Нью Йоркдаги Жон Кеннеди аэропортидан алоқага чиқишган, улар қаттиқ хавотирда эдилар, ҳаяжон билан хайрлашишар экан, бундан кейин ўзлари ҳақида Ўзбекистон ҳукумати қайғуришини айтишди. Ўзбекистон элчихонаси вакиллари эса улар билан аэропортда учрашишди. Орадан кўп вақ ўтмай қочқинлар Тошкентга учиб кетишди. Галима Бухарбаева uznews.net учун. "Улар мамнун эдилар, Ўзбекистонга қайтиш мароқли эканлигини айтишди, дейди Пенсилванияда яшовчи, Нью Йоркка йўл олган қочқинларни автобусда Питсбургдан кузатиб қўйган жамиятшунос Баҳодир Файзи. Бироқ, Файзининг сўзларига кўра, қувонч, мамнунлик қочқинлар сўзларидан сезилиб турган шубҳа ва юзларидаги қувонч билан ифода этдилар. "Очиқ кўриниб турарди, улар қўрқишаётган эди ва ўзларини Ўзбекистонда нималар кутаётганини билишмасди", дейди Файзи. Баҳодир Файзининг айтишича, Ўзбекистонга қайтиш қарори андижонликлар оиласида катта ёшдаги оқсоқоллардан чиққан, кўп сонли аёллар ва йигитлар, ўзбекларда қабул қилинганидек, бу қарорга қарши бора олишмади. Қочқинларни қайтишгани ҳақидаги далилларни АҚШда яшовчи ва кўплаб ҳамюртлари билан алоқада бўлиб келаётган яна бир андижонлик тасдиқлайди. Унинг айтишича, бу тўғри, яна 40 киши Ватанга қайтгани ҳақиқат. "Ўзбекистон ҳаво йўллари" компаниясининг "Нью Йорк Тошкент" йўналиши бўйича учадиган самолёт Тошкентга маҳаллий вақт билан 25 август куни соат 18.05 да бориб қўнган. Бироқ, uznews.net ҳозиргача 40 андижонлик қочқинни Ўзбекистонга етиб боргани ҳақидаги маълумотларни тасдиқлай олмади. Шунингдек, Женевадаги БМТнинг қочқинлар бўйича Олий Комиссарлиги ҳам 40 кишининг самолётга чиққанига шубҳа қилади. БМТнинг Қочқинлар идорсига кўра, Нью Йоркдаги Жон Кеннеди аэропортидан барча қочқинлар учиб кета олишмаган, чунки уларнинг баъзиларида АҚШдан чиқиб кетиш учун рухсатнома йўқ эди. Асосан қанча киши Ватанга қайтди, қанча киши Америкада қолди, БМТнинг қочқинлар идораси бу борада маълумот бермаслигини айтди. Бу хабарлар текширилмоқда. Олдин хабар қилганимиздек қайтишга қарор қилган асосий гуруҳ Пенсилванияда яшаб келган 35 киши эди, яна икки киши Огайо штатидан, қолган учлик Мериланд штатидан. Пенсилванияда яна тўрт нафар андижонлик қолган. Бу Ўзбекистонга қайтаётган андижонликларнинг иккинчи гуруҳидир. 2005 йилнинг 13 май кунидаги қирғиндан сўнг АҚШдан сиёсий бошпана олган 12 ўзбек қочқини Аризона штатидан ортга қайтганди. Галима Бухарбаева – uznews.net Суратда: Питсбургдаги андижонликлар, 2006 йилниинг 23 август куни, Питсбургдан Нью Йоркка жўнаб кетиш пайти. Баҳодир Файзи олган сурат.
| 
