Хозирги вактда 1 млрд. доллардан ортик корейс инвестицияси бўйича Ўзбекистон Марказий Осиёдаги бошка давлатлар орасида (Козогистонни хам кўшиб хисоблаганда) 1-ўринни эгаллайди. Гарчи Корея ва Ўзбекистон хукуматлари ўртасида инвестициялар кафолати тўгрисидаги ва бошка битимлар имзоланган бўлса-да, лекин турли тўскинликлар туфайли чув тушиб, маблагларини ташлаб кетишга мажбур бўлаётган корхоналар йўк эмас. Бунга “Kabul-textile“, “Daewoo“ каби компания ва фирмалар такдирини мисол килиб кўрсатиш мумкин. Хозир Корея инвестицияси киритилган 138 корхона эсон-омон ишлаб турибди.

Корея бош вазири “Халк сўзи“ ва “Народное слово“ газеталарига икки кун мукаддам берган интервьюсида Ўзбекистон хукумати томонидан йўл кўйилаётган юкоридагича ва бошка муттахамликларга ишора килиб, бундай деган эди: “Бозор муносабатлари тизимида хакикий савдо-иктисодий алокалар хусусий компаниялар даражасида йўлга кўйилишини унутмаслигимиз лозим. Шу сабабли, Ўзбекистон Республикаси хукумати хам икки давлат хусусий компанияларининг эркин фаолият юритишини таъминлаш учун савдо-иктисодий шароитларни яхшилашга бор кучини сарфлаши керак.“

Музокараларда мазкур муаммо мухим ўрин тутди. Шунингдек, Ўзбекистоннинг табиий ресурслари, жумладан нефть ва табиий газ, уран ва олтин конларини ишга солиш ва улардан фойдаланиш, бу ерга юкори технологияларни киритиш каби масалалар мухокама килинди. Битим ва меморандумлар имзоланди.

Дарвоке, Корея бош вазири юкорида тилга олганимиз интервьюсида улкан потенциал имкониятларга эга Ўзбекистон иктисодиётини “халта кўча“га киргизиб кўйган Каримов режимини бу кўчадан олиб чикишда унга Корея хукумати “ўз тажрибаси ва кўлидан келган ёрдамини бериш йўлларини кидираётган“ини хам айтган эди. Хан Мёнг Сук хоним хукумати бунинг уддасидан чикадими-йўкми, вакт кўрсатади.

Эркинфо, 25.09.2006