Ўзбекистон Олий Мажлисининг Конунчилик палатаси томонидан шу йил 30 июнида кабул килинган, Сенат томонидан 25 августда маъкулланган ва Ўзбекистон президенти томонидан 27 сентябрда имзоланган хужжат - Ўзбекистон кодексларига ўзгартиш ва кўшимчалар киритиш хакидаги Конун бугун эълон килинди. Маъмурий жавобгарлик тўгрисидаги кодексга янги, 176***-модда, яъни “Автомобиль транспортида йўловчилар ташиш фаолияти билан лицензиясиз шугулланиш“ деган модда киритилди. Унга кўра, лицензия олмай киракашлик килган авто эгаси бундан буён энг кам иш хакининг 100 бараваригача (бугунги кунда 1 млн. 80 минг сўмгача, бошкача айтганда, 870 АКШ долларигача) жарима тўлаши керак.
Шундай килиб, алмисокидан колган ёлгиз “бойлиги“ - автомобили оркасидан бир амаллаб оиласини бокаётган бечораларга жуда кийин бўлди. Бензин кимматлиги етмаганидек, улар лицензия учун энди катта пул тўлайдилар, соликка тортиладилар. Лицензия олишнинг бюрократик оворагарчиликларини айтмайсизми!? Бўлар-бўлмасга автотранспорт воситаларини тўхтатиб текширувчи порахўр ДАН миршабларининг эса яна омади келди.
