 АҚШнинг Аризона штатидан қайтиб келган ўзбек қочқинлари сони 9 эмас балки 12 нафар экани айтилмоқда. Бу ҳақда шу ҳудудда яшовчи ишончли манба телефон орқали Озодлик радиоси мухбирига айтган. Ўзини танитишни истамаган, Аризона штатида яшовчи андижонлик қочқиннинг айтишига кўра, Уйга қайтиш имконияти ҳақидаги гап Ўзбекистондан келган. Аризонадаги ўзбеклар уйларига телефон қилишганида, уларнинг қариндошлари, “Уйга келаверинглар, сизларга ҳеч бир тазйиқ бўлмайди,” деб айтишган ва йўл кўрсатишган. Ўзбекистондан кўрсатилган йўл ва кўрсатмалар бўйича Аризонадаги андижонлик қочқинлар Вашингтондаги Ўзбекистон элчихонасига боришган. Улар элчихона ходимларининг муносабати илиқ бўлганини таъкидлашади. Ими жимида уларга билет олиб бериб 2006 йил 13 июл куни Ўзбекистонга жўнатишади. Улар Ўзбекистонга етиб боришганларидан сўнг, Аризонадаги шерикларига яхши етиб келганликларини билдириб телефон қилишган. Озодлик, Абдулла Искандар
| 
