 Ўзбекистон "Эрк" демократик партияси лидери Муҳаммад Солиҳ айни кунларда Америка Қўшма Штатларда учрашувлар ўтказмоқда. Бундан роппа роса бир йил муқаддам М.Солиҳ Қўшма Штатларга қилган сафари давомида АҚШ Конгресси Вакиллар Палатасининг Ўрта Шарқ ва Осиё масалалари бўйича раиси, шунингдек конгрессмен ҳамда сенаторлар билан учрашган эди. У шунингдек, АҚШ Конгрессининг Хелсинки Комиссиясида 2005 йилнинг май ойидаги Андижон фожеаларига бағишланган тингловда чиқиш қилган. Ўзбек мухолифати лидерининг бу галги сафари АҚШ расмийлари ва нодавлат ташкилотлари вакиллари билан Ўзбекистондаги сиёсий вазият, жумладан Андижон воқеаларидан кейинги давр билан боғлиқ мулоқотларнинг мантиқий давомидир. 20 ва 21 июл кунлари Муҳаммад Солиҳнинг АҚШ Миллий Демократия институти ва Халқаро Республикачилар Институтида Ўзбекистонда демократлаштириш жараёнларида мухолифатнинг ролига бағишланган маслаҳатлашувлар ўтказилди. 24 июл душанба куни "Эрк" лидери "Ўзбекистонда сиёсат" мавзусидаги семенарда кенг жамоатчилик олдида чиқиш қилди.Семенерни, Шарқ мамлакатлари бўйича америкалик таниқли таҳлилчи - мутахассис, профессор Марта Олкотт олиб борди. Шу куннинг ўзида Муҳаммад Солиҳ Давлат Департаменти ва Миллий хавфсизлик кенгаши расмийлари билан мулоқотлар олиб борди. 25 июл куни Муҳаммад Солиҳнинг АҚШ Конгресси Хелсинки Комиссиясида, сенатор Сэм Браунбек ва конгрессмен Кристофер Смитт ҳамда марказий осиё минтақаси бўйича ишловчи сиёсатчилар иштирокида ўтказилиши режалаштирилган брифингда чиқиш қилади. Uzbekinfo.org
| 
