“Норильский никель” Newmont компаниясининг Ўзбекистон-Америка қўшма корхонасидаги улушини сотиб олиши мумкин. Коммерсантъ “Норильский никель”компаниясининиг филиали бўлган “Полюс” ёпиқ турдаги ҳиссадорлик жамияти Ўзбекистонда ўз активларига эга бўлган Россиянинг биринчи олтин қазиш компанияси бўлиб қолиши мумкин. “Коммерсентъ”га маълум бўлганидек, компания эгалари “Зарафшон-Ньюмонт” қўшма корхонасининг Американинг Newmont Mining компаниясига тегишли улушини (акцияларнинг 50 фоизи) сотиб олиш ниятидалар. “Коммерсантъ” берган маълумотларга кўра, бу масала давлатлар даражасида қўлловга эга бўлган, Newmont Mining компанияси эса ўзбек ҳокимияти билан яхши алоқа ўрната олмаган. “Фарғона.Ру” аввалроқ хабар берганидек, Ўзбекистон ҳукумати 2006 йилнинг 17 мартида Ньюмонт вакилларини ”Зарафшон-Ньюмонт” ўзбек-америка қўшма корхонасининг самарали ишлашини таъминлаш ва унга ҳукумат кафолатларини бериш тўғрисида”ги вазирлар маҳкамасининг 151-қарорини қайта кўриб чиқиши ёки бекор қилиши мумкинлиги тўғрисида хабардор қилганлар. Ўзбекистон ҳокимияти дунёда олтиннинг нархи кўтарилиб кетиши муносабати билан қўшма корхона учун солиқ солиш шартларини қайта кўриб чиқиш ниятида эканини баён қилган. 151-қарорда қўшма корхонани солиқдан деярли бутунлай озод қилиш кўзда тутилган эди. “Коммерсантъ”нинг маълум қилишича, “Полюс” ёпиқ турдаги ҳиссадорлик жамиятида ҳам, “Норникель”да ҳам ҳозирча бу масалани изоҳлашдан бош тортмоқдалар. Newmont компанияси матбуот котиби Хизерин Хиггинс “компания бозордаги миш-мишларга изоҳ бермайди”, деб айтди. Коммерсантъ
|