2002 йилда Ўзбекистонда бўлиб, у ердаги қийноқлар бўйича вазиятни ўрганган БМТнинг махсус маърузачиси, ҳозир Маастрихт университетида ҳуқуқшуносликдан дарс ўтаётган профессор Тео ван Бовен “Озодлик” мухбирига интервью берди.
Бугунги Каримов режими ҳар қандай мусулмонни ўзи учун душман деб билиши билан дунёга танилган. Эрта тонгдан то қош қорайгунча суд биноси олдида мўлтираб ўтирган бечора оналарни, оталарини эҳтимол охирги дафъа кўриб қолиш учун ошиқаётган норасида болаларни, бундан буёғига машаққатли рўзғор ташвишларини елкаларига олишга мажбур бўладиган заифа ожизаларни кузатар экансиз, этингиз жимирлаб кетади.