Ўзбекистоннинг мухолифатдаги "Эрк" демократик партияси кенгаши 2007 йилда бўладиган президентлик сайловларига Муҳаммад Солиҳ номзодини илгари сурган. Бу ҳақда партия бош котиби Отаназар Орипов маълум қилди. "Эрк партияси ўз уставига биноан Ўзбекистонда 20007 йил бўладиган сайловларда Муҳаммад Солиҳ номзодини кўрсатишга қарор қилди." деди ҳозир Тошкентда яшаётган Ўзбекистон "Эрк" демократик партияси бош котиби Отаназар Орипов. Муҳаммад Солиҳ 1991 йилги президентлик сайловларида Ўзбекистоннинг ҳозирги президенти Ислом Каримов билан бирга номзод сифатида қатнашган эди. Кейинчалик Солиҳ ҳукуматнинг тазйиқлари ортидан мамлакатни тарк этишга мажбур бўлди. У 1993 йилдан буён мухожиратда яшамоқда. Ҳозирги ўзбек қонунлари президентликка номзод бўлиш учун камида 10 йил узлуксиз мамлакат ичкарисида бўлишни тақазо этади. Аввалроқ "Озодлик" радиосига берган интервьюсида жаноб Солиҳ номзод ким бўлишидан қатъий назар "Эрк" партиясидан кимнингдир сайловда қатнашиши муҳим эканини айтган эди. uzbekinfo.org
|