Тошкент вилоят жиноий ишлар бўйича судида 17 май куни таниқли ҳуқуқ ҳимоячиси Мўътабар Тожибоева ишини аппеляция тартибида кўриш бошланди. Суд залида АҚШ, Германия, ЕХҲТ элчихонаси вакиллари ҳамда халқаро инсон ҳуқуқлари ташкилотлари ва журналистлар ҳозир бўлишган эди. Олдин бўлиб ўтган маҳкама пайтида Мўътабар Тожибоевага Ўзбекистон Жиноят Кодексининг 18 моддаси бўйича қўйилган айбловлар асосли деб топилган ва у узоқ йилга озодликдан маҳрум этилган эди. Бироқ ҳуқуқ ҳимоячиси ўзига қўйилган айбловларни аососсиз ва сохталаштирилган деб айтган. Аппеляция судининг биринчи кунида Тожибоева судя Мамаевни маҳкама жараёнига раислик қилишини рад этажагини билдирди. Бироқ судлов ҳайъати уни талабларинирад этиш борасида қарор чиқарган. Шунга қарамай бошланган маҳкама жараёнида Мўътабар Тожибоева қарийб икки соатга яқин маъруза қилгани айтилмоқда. Ҳуққуқ ҳимоячилари фикрича Тожибоева ўзига ишонч билан, дадил гапирган. У ўзини тетик тутган, анча қувноқ кўринган. Судланувчи тергов пайтида йўл қўйилган камчиликлар ва сохталаштирилган далиллар ҳақида гапирган. Тожибоева ўзи билан боғлиқ суд ишида маҳаллий журналистлар ҳам иштирок этишлари ва бу маҳкама жараёнини ҳаққоний ёритишларини талаб қилажагини билдирган. Ҳамкасблари Мўътабар Тожибоевани айбсиз эканлигига ишонишади. Аппеляция суди давом этмоқда. Мискина
|