Инсон ҳуқуқларини ҳимоя қилиш бўйича халқаро Хьюман Райтс Уотч ташкилоти жаҳон ҳамжамиятини ўтган йили Андижонда намойишчиларни шафқатсиз жазолагани учун Ўзбекистонни жавобгарликка тортишга даъват этган. "Андижондаги оммавий қирғинга нисбатан имкон қадар тезроқ мувофиқлаштирилган ва салмоқли халқаро муносабат билдирилиши керак", - дейилади баёнотда.
Андижон воқеаларининг бир йиллигига бағишланган тадбирларниннг энг муҳимларидан бир нечаси Европа Иттифоқи пойтахти хисобланадиган Брюссель шаҳрида ўтади.
Эртага барча хоҳловчиларни Андижон қирғинининг бир йиллигига бағишлаб швед парламенти депутатлари ва муҳолифат лидерлари иштирокида ўтадиган намойишга таклиф этамиз. Шунингдек Стокгольмда "Европадаги Ўзбекистонликлар уюшмаси" таъсис йиғилиши ўтказилиши режалаштирилган. Шу куни қурбонлар хотирасига ош худойи қилинади.
Британия Бош вазири Тони Блейрнинг айтишича, Британия Ўзбекистонга мамлакатдаги инсон ҳуқуқлари аҳволини яхшилаш борасида босим ўтказишда давом этади ва аллақачон мавжуд жазо чораларини кучайтиришга ҳаракат қилмоқда. Андижон ҳодисалари борасидаги саволга жавоб бераркан, Тони Блейр Оврўпо Иттифоқининг Ўзбекистонга нисбатан жорий этган жазо чораларини янада кучайтириш йўлларини излаётганини маълум қилган.
9 май куни АҚШ пойтахтида Андижондаги қонли воқеаларга бағишланган тадбирда қатнашган АҚШ Сенатори Жон Мак Кейн ва конгрессмен Кристофер Смит Марказий Осиё давлатларида демократияга оид қонун лойиҳасини конгрессга қайта тақдим этиш ниятида эканликларини билдирдилар.
Биз Ўзбекистон фуқаролик жамиятининг ҳозирда мамлакатда ва Буюк Британия, Белгия, Украина, Россия, Қирғизистон, Норвегия, Швеция, АҚШ ва яна бошқа мамлакатларда яшаётган, шунингдек Эрк, Озод дехқонлар, Бирлик халқ ҳаракати сиёсий партияларининг вакиллари, шунингдек Ўзбекистонда демократияга ва инсон ҳуқуқларига мойил барчамиз...