Интернетдаги баъзи сайтлар андижонлик бир гуруҳ оқсоқолларнинг Ўзбекистон президенти Ислом Каримовга хат йўллагани тўғрисида хабар тарқатди. "Андижонда қон дарё бўлиб оққанига, одамларни юк машиналарига ахлат каби ортиб, номаълум томонга олиб кетганларига ўзимиз гувоҳмиз...", - дейилади андижонликлар хатида.
Ўзбекистон мустақил ҳуқуқ ҳимоячилари ташаббускор гуруҳининг матбуот хизмати берган маълумотга кўра, 2006 йилнинг 30 майида Жиноий ишлар бўйича Тошкент вилоят судининг шикоятлар бўйича коллегияси Тошкент вилоят судининг 2006 йилнинг 6 мартида Мўътабар Тожибоевага нисбатан чиқарган қарори бўйича аниқлама чиқариб, аввал қабул қилинган қарорни ўз кучида қолдирди.