Андижондаги Ўзбекистон ҳукумати томонидан амалга оширилган ноинсоний қирғин, инсониятга қарши жиноятлар учун Евроиттифоқ санкцияси шаклидаги кичкина, бироқ Ўзбекистон халқи учун муҳим бўлган рамзий бир жазо ҳам олиб ташланди. Бу жазо шунинг учун ҳам муҳим эдики, 21-асрда бегуноҳ одамларни отиш ва бунинг учун жазосиз қолиш мумкин эмас. Бу санкциянинг олиб ташланиши биринчи галда Германиянинг шарофати билан амалга ошди.

Ўзбекистонда яна бир муддатга президент Ислом Каримовни сайловлар ўтказмасдан мамлакат президентлигида қолдириш учун умумхалқ илтимосномасига имзо йиғиш кампанияси бошланди.

Эмиль Золя ҳар куни эрталаб уни танқид қилиб уриб чиққан газеталарни варақларди. Ушбу пасквилларни у эрталабки нонуштага ютиши лозим бўлган қурбақалар томонидан ёзилган дер эди. 1985 йилдан буён мен ҳам ўзим ҳақимда турли туман пасквилларни ўқишга одатландим, бироқ бу ёвузлик “қурбақалари” ҳеч қачон диктатор Каримов давридаги каби ярамас ва чиркин бўлишмаган эди. Шу сабабли мен эндиликда ўз шахсиятим ҳақидаги бу каби “материиалларга” камроқ назар ташлайман.

Инсон ҳуқуқлари ҳимоячилари Европа Иттифоқининг Ўзбекистонга қарши жорий этилган санкцияларни юмшатиш тўғрисидаги қарорини ғазаб ва хавотир билан қарши олди.

АҚШнинг "Фридом Ҳаус" сиёсий тадқиқотлар марказига кўра, Оврўпо Иттифоқи томонидан Ўзбекистонга нисбатан киритилган жазо чораларининг вақтинча енгиллаштирилиши учун етарлича омиллар мавжуд эмас. Кеча Оврўпо Иттифоқи ташқи ишлар вазирларининг учрашувида Бирма, Эрон каби мамлакатлар билан бирга икки йил аввал Ўзбекистонга жорий этилган чекловлар ҳам муҳокама қилиниб, Андижон ҳодисаларида масъул кўрилган ўзбек расмийлари учун киритилган виза тақиқини шартли равишда олти ойга тўхтатишга қарор қилинганди.

Ўзбекистон Марказий сайлов комиссияси мамлакатда 23 декабрда бўлиб ўтадиган президент сайловида қатнашиш учун расмий рўйхатдан ўтган бешта партия ва битта ташаббус гуруҳига изн берди.